 Yn ystod 2006/2007 cynhaliwyd gwaith ar draws Gwasanaethau Cyhoeddus Cymru i ystyried y cynnydd a wneir i weithredu'r agenda a bennwyd yn Creu'r Cysylltiadau: Gwell Gwasanaethau i Gymru.
Ym mis Hydref 2007 cyflwynwyd adborth gennym ar y canfyddiadau i 130 o Arweinwyr Gwasanaethau Cyhoeddus mewn chwe seminar ledled Cymru. Roedd y seminarau yn gyfle i drafod yr atebion i rai o'r rhwystrau a nodwyd, gan annog rhannu gwybodaeth a phrofiadau er mwyn osgoi dyblygu ymdrech.
Mae canlyniad pob seminar yn rhoi crynodeb o'r sylwadau, yr arsylwadau a'r dysgu a rennir a nodwyd gan y cynadleddwyr, ochr yn ochr â'r negeseuon allweddol.
Mae'r tudalennau hyn yn cysylltu â chanlyniadau manwl pob seminar yn cynnwys cyflwyno canfyddiadau allweddol, y cynadleddwyr a oedd yn bresennol a dolenni i astudiaethau achos dysgu a rennir, yn cynnwys yr enghreifftiau gan y siaradwyr gwadd.
Dros y mis nesaf bydd Swyddfa Archwilio yn trosglwyddo'r negeseuon allweddol i fformat sy'n crynhoi canlyniadau'r seminarau, a chanfyddiadau ein gwaith ar draws Gwasanaethau Cyhoeddus Cymru. Ein nod yw cyflwyno hyn mewn fformat hygyrch ar y we.
Os oes gennych unrhyw sylwadau am y seminarau a'u canlyniadau, byddwn yn falch o glywed gennych. Mae croeso i chi gysylltu â mi drwy anfon neges e-bost at anthony.snow@wao.gov.uk.
|
