Rhaid i gwmpas polisïau gweithio gartref fod yn gynhwysfawr. Mae hyn yn creu risg na fydd yn bosibl rheoli swm y deunydd, a'i bod yn haws i'r rheolwr ddweud 'Na'. Efallai y bydd rheolwyr yn dymuno osgoi'r dasg o orfod ymdrin â'r materion gweithdrefnol. Gall ofn y bydd arbenigwyr yn gwneud y prosesau'n rhy gymhleth hefyd fod yn rhwystr.

Mae'r Awdurdod Gweithredol Iechyd a Diogelwch yn darparu canllawiau cynhwysfawr ar ddiogelwch a gweithio gartref, sydd yn syml i'w dilyn ac wedi'u cynllunio i'w defnyddio, yn hytrach na'u hailysgrifennu mewn dogfen fewnol.

http://www.hse.gov.uk/pubns/indg226.pdf

Dylai polisi gweithio gartref gwmpasu:

• Perchenogaeth: sicrhau bod cofrestr briodol yn cael ei chynnal a'i llofnodi sy'n cofnodi'r holl gyfarpar, yn cynnwys desgiau, cadeiriau, a TG. Mae hyn er mwyn osgoi dadl pan fydd y cyfnod cyflogaeth yn dod i ben.
• Cyfrifoldebau: nodi pwy sy'n gyfrifol am ddiogelwch, ffisegol ac electronig, ac yswiriant; sicrhau bod unrhyw ddeunydd cyfrinachol yn cael ei ddiogelu a gwneud trefniadau ar gyfer cynnal profion statudol ar gyfarpar electronig.
• Goruchwyliaeth: nodi'r materion arbennig sy'n deillio o weithio gartref, megis rhoi gwybod am salwch, risgiau gweithio ar eich pen eich hun, cadw mewn cysylltiad, targedau a safonau; ac egluro disgwyliadau ynglyn ag oriau gwaith. Os yw'r gweithio gartref yn seiliedig ar allbynnau heb unrhyw ofyniad o ran union amseroedd argaeledd, dylai hyn gael ei gynnwys fel amrywiad cytundebol.
• Materion ariannol: nodi pa ddarpariaeth a wneir, os o gwbl, i gefnogi costau gartref (gall y rhain gael eu gwrthbwyso gan gostau teithio llai), ffioedd ffôn, rhyngrwyd ac ati.
• Darpariaeth rhannu desgiau ar gyfer yr adegau hynny pan fydd y cyflogai'n gweithio yn y swyddfa.
• Adolygiad cyfnodol. Gall fod yn beth doeth sefydlu'r trefniant ar sail 'prawf' ac adolygu ei weithrediad, o bob safbwynt, o bryd i'w gilydd.