Rhestr Astudiaethau achos

Cymdeithas Tai Cymuned Caerdydd

01/01/2008

Nod y prosiect yw datblygu dull aml-asiantaeth o gyflawni canlyniadau cynaliadwy i bobl ifanc drwy dorri'r cylch 'dim swydd, dim cartref'.

Mae pedair elfen allweddol i'r prosiect: darparu rhaglen hyfforddi â chymorth; darparu tai hunangynhaliol â chymorth am gyfnod y prosiect i baratoi'r cyfranogwyr i fyw'n annibynnol yn llwyddiannus yn y dyfodol; cyfle gwirioneddol am gyflogaeth mewn masnach adeiladu gydnabyddedig ar ddiwedd y rhaglen; ac, ar gyfer y rhai sydd ag anghenion tai, y cyfle i sicrhau llety parhaol ar ôl cwblhau'r rhaglen yn llwyddiannus. Sicrhawyd cyllid gan Gronfa Gymdeithasol Ewrop, y Fargen Newydd, y partneriaid cysylltiedig a'r contractwyr preifat sy'n rhoi lleoliadau hyfforddi i'r cyfranogwyr.

Roedd y cam diweddaraf wedi cynorthwyo chwe pherson ifanc i ddysgu crefft, a rhoddwyd cyflogaeth barhaol gyda'r contractiwr i dri ohonynt. Mae'r Gymdeithas yn gwerthuso'r cynllun yn flynyddol.