|
Yn sgîl llawer o alw, mae Archwilydd Cyffredinol Cymru wedi penderfynu cynnal dau wrandawiad cyhoeddus ychwanegol fel rhan o'i Ymchwiliad i wasanaeth ambiwlans Cymru. Cynhelir y rhain ar 5 Medi yn Athrofa Gogledd-ddwyrain Cymru yn Wrecsam (am 1630) ac ar 7 Medi yng Nghanolfan y Celfyddydau yn Aberystwyth (1630). Bwriad y dyddiadau newydd yw galluogi mwy o aelodau'r cyhoedd yng Nghymru i rannu eu safbwyntiau a'u profiadau o'r gwasanaeth yn uniongyrchol gyda Jeremy Colman.
Oherwydd amserlen brysur yr Ymchwiliad, mae nifer y gwrandawiadau cyhoeddus yn gyfyngedig. Fodd bynnag, gall pobl gysylltu â thîm yr Ymchwiliad mewn ffyrdd eraill.
E-bost: info@wao.gov.uk
Gwefan: Gellir cyflwyno tystiolaeth ysgrifenedig ar-lein yn http://www.wao.gov.uk/
Cyfeiriad post: Ymchwiliad i Wasanaeth Ambiwlans Cymru, FREEPOST RRBH-GZXC-XGHC 2-4 Park Grove, Caerdydd CF10 3PA.
Ffôn: Ffoniwch 029 2026 0260
Gofynnir i aelodau'r cyhoedd sydd am fynychu gwrandawiad ond y mae angen darpariaeth arnynt ar gyfer iaith ar wahân i'r Gymraeg neu'r Saesneg anfon neges e-bost at mailto:info@wao.gov.uk neu ffonio 029 2026 0260.
Dyma restr lawn o'r gwrandawiadau cyhoeddus:
| Dyddiad |
Lleoliad |
Amser Dechrau |
| 10 Awst |
Neuadd Brangwyn - Abertawe |
1730 |
| 11 Awst |
Canolfan Casnewydd - Casnewydd |
1400 |
| 14 Awst |
Canolfan Gynadledda'r Pafiliwn - Llandrindod |
1700 |
| 17 Awst |
Prifysgol Bangor - Bangor |
1330 |
| 21 Awst |
Canolfan Halliwell, Coleg y Drindod - Carmarthen |
1300 |
| 22 Awst |
Gwesty'r Marriott, Lôn y Felin - Caerdydd |
1700 |
| 05 Medi |
Athrofa Gogledd-ddwyrain Cymru, Wrecsam |
1630 |
| 07 Medi |
Canolfan y Celfyddydau, Aberystwyth - Aberystwyth |
1630 |
Cynhelir cyfarfodydd ar wahân, cyfweliadau a gwaith maes arall drwy gydol yr ymchwiliad a bydd yn cynnwys partïon allweddol, megis staff yr Ymddiriedolaeth, undebau llafur a Llywodraeth y Cynulliad.
At Sylw Desgiau Newyddion:
Os hoffech anfon gohebydd a/neu griw i wrandawiad cyhoeddus, mae croeso i chi gysylltu â Rachel Harries (Rheolwr Cyfathrebu) drwy anfon e-bost at rachel.harries@wao.gov.uk neu ffonio 029 2026 2675.
Nodiadau i Olygyddion:
- Derbyniodd Jeremy Colman, a fu'n Archwilydd Cyffredinol Cymru ers mis Ebrill 2005, wahoddiad ffurfiol y Cynulliad Cenedlaethol i gynnal ymchwiliad i'r gwasanaethau ambiwlans yng Nghymru yn dilyn pleidlais ar 11 Gorffennaf 2006.
- Bydd yr Ymchwiliad yn archwilio materion allweddol sy'n ymwneud ag Ymddiriedolaeth Gwasanaethau Ambiwlans Cymru. Mae'r materion hyn yn cynnwys effeithiolrwydd safonau perfformiad, strwythurau, materion staffio a phwysau ariannol ac o ran adnoddau. Bydd hefyd yn ystyried y goblygiadau ar gyfer y dyfodol ac yn gwneud argymhellion yn unol â hynny. Mae'n gobeithio cyhoeddi adroddiad yn yr hydref.
- Bydd Jeremy Colman yn defnyddio ei bwerau o dan Ddeddf Llywodraeth Cymru 1998 a Deddf Archwilio Cyhoeddus (Cymru) 2004, sy'n rhoi mynediad iddo at staff a chofnodion yr Ymddiriedolaeth a Llywodraeth Cynulliad Cymru.
- Cefnogir yr Ymchwiliad gan dîm o arbenigwyr ariannol ac arbenigwyr perfformiad o Swyddfa Archwilio Cymru, a'i integreiddio'n agos â'r adolygiad arbennig o'r ymddiriedolaeth a gyhoeddwyd gan Arolygiaeth Gofal Iechyd Cymru ym mis Mai.
- Sefydlwyd Swyddfa Archwilio Cymru ym mis Ebrill 2005 drwy Ddeddf Archwilio Cyhoeddus (Cymru), 2004, a ehangodd swyddogaethau Archwilydd Cyffredinol Cymru ac a ganiataodd i staff o’r Comisiwn Archwilio yng Nghymru a’r Swyddfa Archwilio Genedlaethol yng Nghymru gael eu trosglwyddo i gyflogaeth Archwilydd Cyffredinol Cymru.
- Mae Swyddfa Archwilio Cymru yn annibynnol ar y llywodraeth ac yn gyfrifol am archwilio tua £19 biliwn o wariant cyhoeddus blynyddol.
Ei nod yw hyrwyddo gwelliannau, fel y gall pobl Cymru gael budd o wasanaethau cyhoeddus atebol sydd wedi'u rheoli'n dda ac sy'n cynnig y gwerth gorau posibl am arian. Mae hefyd yn ymrwymedig i nodi a lledaenu arfer da ar draws y sector cyhoeddus yng Nghymru.
|
