Mae'r holiadur yn rhan o adolygiad a fydd yn archwilio a yw ysbytai yng Nghymru yn darparu gwasanaethau arlwyo effeithlon ac effeithiol sy'n helpu cleifion i wella.

Gallwch gwblhau'r holiadur ar-lein yn www.wao.gov.uk. Fel arall, gallwch gael gafael ar fersiwn papur o'r holiadur drwy ffonio 029 2032 0616 neu drwy ysgrifennu at Katrina Febry yn 24 Heol y Gadeirlan, Caerdydd, CF11 9LJ.

Bydd Swyddfa Archwilio Cymru yn defnyddio eich barn ynghyd â chanfyddiadau eraill o'r holiadur i roi gwybod i sefydliadau'r GIG a chyrff eraill megis Llywodraeth Cynulliad Cymru ble y caiff gwasanaethau arlwyo ysbytai eu darparu'n dda a ble y mae angen gwella. Mae'r holiadur ar agor tan 30 Ebrill 2010.

Er ein bod yn croesawu sylwadau gan unrhyw un, ni all Swyddfa Archwilio Cymru ymdrin â phrofiadau unigol pobl na rhoi cyngor arnynt.

Nodiadau i Olygyddion:

• Rydym ond yn ceisio barn cleifion sydd wedi cael profiad o fwyd yn ysbytai'r GIG yng Nghymru yn ystod y 12 mis diwethaf.
• Mae Swyddfa Archwilio Cymru yn annibynnol ar y llywodraeth ac yn gyfrifol am gynnal archwiliad blynyddol o tua £20 biliwn o wariant cyhoeddus blynyddol. Ei chenhadaeth yw hyrwyddo gwelliant, fel bod pobl Cymru yn cael budd o wasanaethau cyhoeddus atebol sydd wedi eu rheoli'n effeithiol ac sy'n cynnig y gwerth am arian gorau posibl Mae hefyd yn ymrwymedig i nodi a lledaenu arfer da ym mhob rhan o'r sector cyhoeddus yng Nghymru.