|
Mae arweinyddiaeth, gweledigaeth a chamau gweithredu wedi'u cyfuno â'r hyn a ddysgir gan ddefnyddwyr gwasanaeth a staff yn rhai o'r ffactorau pwysig sy'n ysgogi gwelliant mewn gwasanaethau cymdeithasol yn ôl adroddiad a gyhoeddwyd heddiw gan Arolygiaeth Gofal a Gwasanaethau Cymdeithasol Cymru a Swyddfa Archwilio Cymru.
Comisiynwyd yr adroddiad, a ysgrifennwyd gan Sue Mead, cyn Gyfarwyddwraig Adolygiadau ar y Cyd, gan AGGCC a Swyddfa Archwilio Cymru i ddwyn ynghyd yr hyn a ddysgwyd o adolygiadau ar y cyd yng Nghymru dros y deng mlynedd diwethaf, nodi'r ffactorau allweddol sy'n ysgogi gwelliannau mewn gwasanaethau cymdeithasol ac amlygu meysydd sy'n gwella'n gyson. Mae'r adroddiad hefyd yn ystyried pa ddatblygiadau sefydliadol a gwasanaeth sydd eu hangen gan awdurdodau lleol i gynnal y cynnydd a wnaed a gwella ymhellach.
Mae'r adroddiad yn darparu dadansoddiad trylwyr a chynhwysfawr o'r data a'r wybodaeth sydd ar gael, gan ddwyn ynghyd y dystiolaeth o'r 10 mlynedd diwethaf o adolygiadau ar y cyd, ond gan ganolbwyntio'n benodol ar yr ail raglen o adolygiadau a ddechreuodd yn 2004.
Cliciwch yma am y datganiad i’r wasg cyflawn.
|
