|
Dywed adroddiad a gyhoeddwyd heddiw gan yr Archwilydd Cyffredinol fod y rhan fwyaf o ferched yn fodlon ar wasanaethau mamolaeth yng Nghymru a bod gwasanaethau ar y cyfan yn cyrraedd safon briodol. Ond mae'r adroddiad hefyd yn tynnu sylw at rai problemau penodol gan gynnwys y modd y rheolir y cyfnod esgor mewn rhai ymddiriedolaethau ac anfodlonrwydd ar ansawdd y cymorth ar gyfer bwydo babanod.
Mae'r adroddiad a gyhoeddwyd heddiw yn cynnwys arolwg o famau newydd. Er bod llawer o'r merched a holwyd yn fodlon ar eu profiad, roedd lleiafrif sylweddol o'r farn nad oeddent bob amser yn cael eu trin ag urddas a pharch na charedigrwydd a dealltwriaeth.
Yn gyffredinol mae gofal cynenedigol yn dilyn canllawiau arfer da ond nid yw rhai merched yn cael digon o archwiliadau ac ar y cyfan mae lefelau presenoldeb mewn dosbarthiadau cynenedigol yn isel. Mae'r adroddiad hefyd yn dangos bod merched mewn rhai ymddiriedolaethau yn tueddu i gael gormod o sganiau ac nad yw ymddiriedolaethau yn cynnig y profion sgrinio diweddaraf am syndrom Down eto.
Cliciwch yma am y datganiad i’r wasg cyflawn
|
