Mae'r mwyafrif o'r absenoldebau yn rhai byrdymor, ac fel arfer ni fyddant yn gofyn am ymyrraeth feddygol nac ardystio. Ym mron bob un o'r achosion hyn bydd yr unigolyn yn penderfynu nad yw'n gallu dod i'r gwaith, a bydd rheolwyr da yn gallu dylanwadu ar y penderfyniadau hyn yn gadarnhaol. Mae unigolyn nad yw'n teimlo'n gwbl holliach yn llawer mwy tebygol o ddod i'r gwaith os yw'n gweithio mewn amgylchedd cefnogol, ysgogol a chymhellol ac amgylchedd lle y gwyr y bydd ei gydweithwyr a'i oruchwyliwr yn sylwi ar ei absenoldeb. Absenoldebau cyson yn y categori hwn yw'r rhai sy'n achosi'r ymyrraeth a'r anghyfleustra mwyaf, a fydd yn arwain at y sgorau Bradford uchaf, oherwydd mai'r prif ffactor yn sgôr Bradford yw nifer yr absenoldebau.

Cymdeithas Prif Swyddogion yr Heddlu

Gwneud Gwaith yn Ddiddorol!

Mae hyn yn golygu bod angen i gyflogwyr fynd y tu hwnt i feddwl am waith ac iechyd yng

 nghyd-destun naill ai absenoldeb oherwydd salwch neu hybu iechyd yn y gweithle.

Wrth gwrs, ni ddylid tanbrisio'r flaenoriaeth a roddir i ddiogelwch yn y gweithlu na thanseilio gwerth ymdrechion cyflogwyr i wneud mwy na chydymffurfio â rheoliadau iechyd a diogelwch. Mae llawer o enghreifftiau o bolisïau atal llwyddiannus, darpariaeth iechyd galwedigaethol effeithiol a rhaglenni adsefydlu llwyddiannus.

Ond mae mwy a mwy o sefydliadau yn canolbwyntio ar agenda sydd wedi'i chynllunio i ysgogi newidiadau yn ymddygiad unigolion (sydd bob amser yn anodd) yn hytrach na mynd i'r afael ag achosion systemig y salwch. Dyma lle y ceir y pwyslais hefyd yn y Papur Gwyn, Dewis Iechyd.

 

Felly, er enghraifft, gallai cyflogwyr gynnig bwyd iachach mewn bwytai yn y gweithle, gostyngiad mewn ffioedd aelodaeth â'r gampfa, profion meddygol rheolaidd ac amgylchedd ffisegol wedi'i gynllunio'n dda.

Caiff hyn oll ei groesawu, mae'n werthfawr ac yn welliant sylweddol ar y meddylfryd nad oes gan gyflogwyr unrhyw gyfrifoldeb dros y materion hyn. Serch hynny, os dyma'r cyfan a wna cyflogwyr i ddatblygu 'gwaith iachach' yna cânt eu siomi. Efallai y bydd rhywfaint o welliant o ran ymrwymiad a morâl cyflogeion, ond nid yw hyn yn cymryd lle ffocws penodol ar y ffactorau sy'n llywio penderfynyddion sylfaenol iechyd ac anghydraddoldebau iechyd.'

 

Y Sefydliad Gwaith ‘Healthy Work, Productive Workplaces’ Rhagfyr 2005