Asesiad Risg
Wrth i reolwyr ddod i ddeall achosion absenoldeb yn y swyddi yn eu meysydd cyfrifoldeb, dylent nodi'r risgiau sy'n gynhenid yn y gwaith. Gall staff iechyd galwedigaethol gyfrannu at hyn.
Y cam nesaf yw cynnal trafodaethau gyda'r staff dan sylw i gasglu eu syniadau ac i nodi camau y gellid eu cymryd i ddileu'r risgiau hynny.

Mae Prifysgol Caerdydd yn categoreiddio lefel y risg iechyd ym mhob swydd yn rhai coch/melyn/gwyrdd a chaiff hyn ei nodi ym mhrosesau swyddi gwag i sicrhau y trefnir dulliau sgrinio cyn cyflogi yn briodol, gan amrywio o ddull syml o graffu ar holiadur iechyd wedi'i lunio'n dda ar gyfer rhai rolau (gwyrdd) i archwiliad corfforol trylwyr ar gyfer y rolau coch.

 
<< Back to previous page