| Dylai sgyrsiau ag unrhyw un sy'n dangos lefel gyson o absenoldeb ystyried y posibilrwydd mai straen sy'n gyfrifol, hyd yn oed os yw'r achosion a nodir yn amrywiaeth o boen bol, 'ffliw', cur pen ac ati. Mae tystiolaeth glir bellach y gall yr hormonau a ryddheir yng nghorff rhywun sy'n dioddef straen arwain at leihau gallu'r system imiwnedd i wrthsefyll heriau arferol bob dydd. (Garvan Institute of Medical Research, Sydney.) Wrth gwrs efallai na fydd llawer o'r elfennau hynny sy'n achosi straen yn ymwneud â'r gwaith, ac efallai na fydd y sawl sy'n dioddef am drafod cydberthynas deuluol sensitif iawn neu faterion ariannol personol â rheolwr llinell swrth. Ond mae presenoldeb gwael ynddo'i hun yn rhywbeth a ddylai fod yn destun pryder i reolwyr, ac os amheuir, neu os gwyddys bod y sbardunau yn rhai sensitif, dylai'r Rheolwr annog yr unigolyn i gysylltu â'r adran iechyd galwedigaethol neu gynghorydd. |
