Cyfyngiadau Cymorth Gwladwriaethol

Diffinnir cymorth gwladwriaethol yn fras fel cymorth o unrhyw gronfeydd cyhoeddus sydd o bosibl yn ystumio cystadleuaeth a masnach yn yr Undeb Ewropeaidd trwy ffafrio un fenter fasnachol dros un arall. Nid oes unrhyw ddiffiniad swyddogol o gymorth gwladwriaethol, ond mae’n cynnwys grantiau gwladwriaethol uniongyrchol (er enghraifft, cymorth grant i ddenu buddsoddiad mewnol), esemptiadau treth, benthyciadau ar gyfraddau llog is, gwarantau neu indemniadau ar delerau ffafriol, gwerthu tir o dan bris y farchnad neu ddileu dyledion. Fel arfer darperir cymorth gwladwriaethol i fusnesau preifat ond gall hefyd gynnwys elusennau, cyrff gwirfoddol a chyrff sector cyhoeddus sy’n masnachu’n fasnachol.

Fel rheol gyffredinol, mae cymorth gwladwriaethol yn anghyfreithlon o dan Gyfraith Ewropeaidd oni bai iddo gael ei awdurdodi gan y Comisiwn Ewropeaidd. Mae’r Comisiwn wedi mabwysiadu canllawiau, fframweithiau ac esemptiadau bloc i egluro ei bolisi cymorth gwladwriaethol. Er enghraifft, mae wedi sefydlu rheolau penodol, gan gynnwys esemptiadau, ar gyfer meysydd fel ymchwil a datblygiad, amddiffyn yr amgylchedd a hyfforddiant.

Mae’r rheoliadau’n gymhleth ac mae’n rhaid cydymffurfio â hwy er mwyn sicrhau bod y cymorth yn gyfreithlon. Mae derbynwyr cymorth anghyfreithlon mewn perygl o gael eu dal yn gyfrifol am gost unrhyw gosb a gymhwysir gan y Gymuned Ewropeaidd ac unrhyw weithredu ar gyfer difrod gan drydydd partïon.

Pan fydd rhaglen neu brosiect grant yn defnyddio gwariant cyhoeddus (gan gynnwys cronfeydd strwythurol y Gymuned Ewropeaidd) i ddarparu buddion i unrhyw fenter fasnachol, fel arfer bydd rhaid i'r cymorth a ddarperir gydymffurfio â rheoliadau Cymorth Gwladwriaethol y Gymuned Ewropeaidd (er bod terfyn de-minimis nad oes angen i roi gwybod am y cymorth os yw'n is na'r terfyn).

Cyhoeddir canllawiau ar wefan Llywodraeth y DU, cliciwch yma.

<< Back to previous page