Oriau hyblyg

Caiff systemau oriau hyblyg eu defnyddio'n eang mewn swyddogaethau gweinyddol. Maent yn ei gwneud yn ofynnol i staff fod yn bresennol yn ystod 'oriau craidd', a bennir gan y sefydliad, pan ddylai pawb fod yn bresennol. Ond, maent yn galluogi unigolion i gyrraedd a gadael yn gynnar neu'n hwyr gan felly gronni neu debydu amser o'u cyfrif eu hunain. Gellir amrywio'r cysyniad mewn sawl ffordd. Mae rhai bellach yn rhoi'r gorau i'r cysyniad o amser craidd yn llwyr, ac mae eraill yn ymestyn y cyfnod o amser pan all staff weithio. Mae rhai o'r addasiadau hyn yn peri'r risg y bydd yr hyn mae'r cyflogai yn ei ffafrio yn cael blaenoriaeth dros ofynion darparu gwasanaeth.

Mae'r system yn nodi uchafswm nifer yr oriau y gellir eu cronni a'r terfyn diffyg, a gall unigolion gymryd oriau neu ddiwrnodau cyfan o'r cyfrif hwn gyda chymeradwyaeth ymlaen llaw.

Yr her y mae'r system hon yn ei chyflwyno i'r rheolwr gweithredol yw sicrhau bod nifer ofynnol o staff yn bresennol ar yr adegau prysuraf ac nad yw'r un unigolion bob amser yn cael eu gadael i ymdopi â chyfnodau o alw uchel.

Mae cadw cofnodion cwbl gywir o bresenoldeb yn hanfodol ar gyfer y system hon. Gellir cyflawni hyn drwy integreiddio â'r system mewngofnodi e-bost, ond mae angen disgyblaeth i sicrhau bod pawb yn allgofnodi amser cinio.

Mae oriau hyblyg hefyd yn peri'r risg bosibl o elyniaethu rheolwyr llinell, drwy ymddangos fel eu bod yn rhoi hawliau i staff a all fod yn anghydnaws â'r flaenoriaeth uwch ddarparu gwasanaeth.

<< Back to previous page