Canlyniadau dysgu a rennir

Pwysig cael cyngor gan y rhai sy'n gwybod.

Sylweddoli pwysigrwydd rheoli grantiau o fewn eich sefydliad. Mae hyfforddiant priodol yn hanfodol!

Mae angen i gyllidwyr a derbynwyr allu nodi eu grantiau a chael gafael ar wybodaeth reoli allweddol megis y symiau a ddyfarnwyd, y symiau a wariwyd a'r symiau a hawliwyd hyd yma yn hawdd. Bydd adroddiadau yn hysbysu'r Cyfarwyddwr Cyllid a'r uwch reolwyr. Ond gall hyn fod yn anodd os nad oes unrhyw broses cydgysylltu a rheoli ganolog a dim ond un gronfa ddata grantiau!

Creu systemau cymorth 'canolog' ee panel grantiau, cronfa ddata gynhwysfawr, canllaw paratoi prosiectau, llawlyfr gweithdrefnau a darparu hyfforddiant blynyddol i staff ar gyfer set sgiliau sylfaenol. Mae manteision cysylltiedig o ran hyder a meithrin gallu, eglurder ynghylch cyfrifoldebau, gwell dulliau o ran cyflwyno prosiectau a'r gallu i fodloni terfynau amser.

Hanfodol cynnwys pob parti (cyllidwyr, derbynwyr ac archwilwyr) yn gynnar yn y broses er mwyn meithrin cydberthnasau gwaith da. Anelu at gyfathrebu mewn ffordd agored a gonest. Gall cyswllt wyneb yn wyneb ar dir niwtral a chyfforddus fod o gymorth. Mae cytuno ar weithdrefnau ac ati o gymorth wrth drefnu gwaith, 'meddwl ymlaen' a hyfforddi staff. Bydd prosiectau sy'n rhedeg yn ddidrafferth yn dwyn ffrwyth yn ddiweddarach.

Dylai derbynwyr roi rhybudd cynnar i gyllidwyr cyn gynted ag y daw i'r amlwg efallai na chaiff amcanion eu cyflawni. Mae hyn yn osgoi sefyllfa lle mai dim ond ar ôl iddynt godi yr ymdrechir i ddatrys problemau. Drwy gydweithio, gall pob parti helpu ei gilydd a dod o hyd i atebion adeiladol er mwyn osgoi problemau'n ddiweddarach.

Cymryd cyngor gan dîm erthygl 4 WEFO cyn gweinyddu cynllun grantiau'r UE.

Defnyddio (neu gyfeirio at) 'ddogfennau protocol'. Mae'r rhain yn werthfawr os bydd eich 'arbenigwr grantiau' yn symud i rôl arall (neu gyflogwr arall!).

Sicrhau bod staff cyllid penodedig ar gyfer cynlluniau cyfalaf mawr.

Cynnwys staff cyllid ar gam cynnar er mwyn cynnwys yr holl gostau a phennu trefniadau anfonebu.

Mae'r hafan ar gyfer GPX Grantiau yma.

Mae ein gwefan yn cynnwys:

• cylch oes grantiau
• termiadur
• astudiaethau achos

Gellir lawrlwytho enghreifftiau o lythyrau cynnig, telerau ac amodau a ffurflenni hawlio.

Ceir enghraifft hefyd o 'Brotocol grantiau', cyngor ar bennu rheolaethau a phrotocolau cydgysylltu, cyngor i gyllidwyr ar leihau cymhlethdod a chyngor ar 'gronfa ddata grantiau'.

Ceir cyngor i gyllidwyr ar:

'A wyf wedi ymgynghori'n briodol?'

Ceir cyngor i ymgeiswyr a derbynwyr:

'A oes gennyf ddigon o hyfforddiant a chymorth cyfredol?'

Ceir cyngor i ymgeiswyr a derbynwyr:

'A oes gennyf ddigon o hyfforddiant a chymorth cyfredol?'

'A oes gennym ddigon o adnoddau i ddatblygu cynigion?'

'A oes gennym ganllaw gwneud cais enghreifftiol?'

A yw 'Siop un stop' yn bosibl?

Defnyddio tîm grantiau canolog.

Penodi un rheolwr i fod yn gyfrifol am grantiau.

Mae'r wefan yn ymdrin â rolau 'Rheolwr Cyllid' a 'Chydgysylltydd Grantiau'.

Ceir cyngor i ymgeiswyr a derbynwyr ar:

'A oes gennym Reolwr Cyllid a Thîm/Gweithgor?'

'A oes gennym Gydgysylltydd Grantiau?'

Wrth symleiddio cynlluniau grant, sut gall y corff sy'n talu gyfuno diwylliannau ac arferion gwaith orau?

Anfon 'llythyrau cynnig cyfun' ar gyfer arian cyfatebol.

Ceir cyngor i gyllidwyr ar:

'A allaf uno'r cynllun hwn, neu gynllun olynol, â chynlluniau eraill?'

Sut y dylem asesu risg (neu wneud cais am unrhyw beth)?

Sut y gellir rhannu risgiau?

Mae gan awdurdodau lleol bryderon am y risgiau ychwanegol y maent yn eu hwynebu mewn perthynas â phartneriaethau - yn arbennig y risgiau ariannol - yn ogystal â'r risgiau arferol wrth gyflwyno prosiectau. Mae angen i gyrff sy'n talu gydnabod hyn.

Byddwch yn 'Gyllidwr Deallus' - dysgu gwersi o'r gorffennol a ffurflenni adborth er mwyn meithrin dealltwriaeth well a llwyddo yn y dyfodol.

Sylwadau SAC - Gall derbynwyr ddod yn 'Ymgeiswyr Deallus' - ceir cyngor ar ein gwefan ar:

'A ydym yn cadw cofnod o gynigion a enillwyd ac a gollwyd?'

'A gaiff gwersi eu dysgu a'u rhannu?'

Ceir cyngor i gyllidwyr ar:

'Sut y byddaf yn dewis enillwyr?'

(Edrychwch ar ansawdd ymgeisydd (profiad yn y gorffennol, statws ariannol, gallu ac adnoddau, trefniadau ar gyfer rheoli a monitro a'r lefel o arloesedd).

'A allaf ddysgu o gynlluniau sy'n bodoli eisoes?'

Ceir cyngor i dderbynwyr ar:

'A yw ein cynigion yn gydnaws â'r Strategaeth Gyllido a'r Strategaeth Gorfforaethol?'

Byddwn yn ystyried y mater hwn yn fanylach pan fyddwn yn ychwanegu deunyddiau newydd at y wefan yn ddiweddarach eleni.

Sut y gallaf ddod o hyd i'r ffynonellau cyllido sy'n cyfateb i'r prosiectau rwyf am eu datblygu? (Mae hyn yn berthnasol i 'gyllidwyr cyfatebol' yn ogystal ag ymgeiswyr).

Sut i ddod o hyd i gyllid rheolaidd ar gyfer prosiect llwyddiannus.

Mae rheolwyr sy'n cyllido prosiectau o lawer o ffynonellau yn wynebu gofynion a dulliau archwilio gwahanol.

Rhwystredigaeth na chaiff cronfeydd bob amser eu 'marchnata'n dda' - efallai na fydd derbynwyr posibl yn ymwybodol ohonynt.

Mae grwpiau gwirfoddol a chymunedol yn gweld lleihad amlwg yn nifer y grantiau sydd ar gael: bydd hyn yn effeithio arnynt a'u gallu i ddarparu polisïau a gwasanaethau.

Gall meithrin cydberthynas gadarn â chyrff sy'n talu dalu ar ei ganfed o ran llwyddiant cyllido yn y dyfodol a meithrin cydberthnasau ag eraill.

Cyfateb amcanion cyllidwyr a derbynwyr.

Cofiwch oblygiadau cyllid byr dymor ar adnoddau dynol.

Mae llawer o brofiad gan bobl o gronfeydd Cydgyfeirio, INTERREG IVc, cynlluniau trafnidiaeth, Cronfa Dreftadaeth y Loteri a'r Gronfa Loteri Fawr.

Gallai cyllidwyr wneud mwy i annog sefydliadau bach i gydweithio i ddatblygu ceisiadau ar y cyd.

Nod 'Timau Ewropeaidd Gofodol' Llywodraeth Cynulliad Cymru yw hwyluso mynediad i gyllid Ewropeaidd, helpu ymgeiswyr i lunio 'Datganiadau o Ddiddordeb' i'w cyflwyno i Swyddfa Cyllid Ewropeaidd Cymru ac wrth gynllunio busnes. Gallant hefyd helpu i froceru prosiectau ar y cyd os bydd cyrff bach yn ystyried cyflwyno prosiectau tebyg.

http://wefo.wales.gov.uk/programmes/sets/?lang=cy

Mae 'Porth Cyllid Cymru' yn ddefnyddiol iawn ar gyfer y sector cymunedol a'r sector gwirfoddol gan ei fod yn dwyn ynghyd fanylion grantiau niferus y gallant wneud cais amdanynt.

http://www.sustainablefundingcymru.org.uk/

Mae ffynonellau eraill sy'n cyfeirio at y grantiau sydd ar gael yn cynnwys gwefannau cyllidwyr a chylchlythyrau, peiriannau chwilio ar y we; pecynnau TG a'r wasg (gall y 'Western Mail' fod yn ddefnyddiol).

Ystyriwch a fydd gwerth 'gwario er mwyn arbed arian'. Fel enghraifft, mae gan AALl Sir Ddinbych bellach ddau swyddog i helpu ysgolion i ddod o hyd i grantiau i wella adeiladau ac ansawdd y dysgu.

Ceir cyngor i ymgeiswyr a derbynwyr ar:

'A ydym wedi meithrin cydberthnasau effeithiol gyda chyllidwyr?'

'A allaf gael gafael ar wybodaeth am grantiau?'

'A allaf nodi pob darpar gyllidwr?'

'A wyf wedi cynllunio strategaethau ymadael?'

Ceir cyngor i gyllidwyr ar:

'Sut y byddaf yn rhoi cyhoeddusrwydd?'

'Beth sy'n digwydd ar ddiwedd y grant (strategaeth ymadael)?'

Pa ffynonellau incwm ychwanegol sydd ar gael i golegau ee pa gyrff sy'n gymwys i wneud cais i'r Gronfa Fuddsoddi Sengl a'r Gronfa Loteri Fawr?

Gall cydweithredu rhwng sectorau helpu i gyflawni amcanion.

Ceir cyngor i ymgeiswyr ar:

'A allaf gael gafael ar wybodaeth am grantiau?'

'A allaf nodi pob darpar gyllidwr?'

Beth sy'n arfer da o ran cynlluniau busnes?

Ym mhrofiad Cyllidwyr mae Ymgeiswyr yn defnyddio gwahanol fformatau - o'r fformat ffurfiol a ddynodwyd gan y cyllidwr i fformat mwy 'creadigol' gan rywun sy'n frwdfrydig iawn ynghylch ei achos da ond nad yw'n fedrus wrth 'lenwi ffurflenni'. O ganlyniad, mae angen 'sgiliau barnu' da ar aseswyr y corff cyllido a dylent ganolbwyntio ar ansawdd prosiect arfaethedig yn hytrach na dim ond canolbwyntio ar sut y lluniwyd y cynllun busnes. Mae marchnad ymgynghori fawr ym maes ysgrifennu ceisiadau!

Y prif beth yw y dylai ymgeiswyr ddatblygu cynllun busnes o ansawdd ar gyfer anghenion eu sefydliad - nid dim ond dilyn dull 'blwch ticio' mecanyddol o fynd ar drywydd grantiau penodol. Mae angen i gynlluniau nodi gweledigaeth glir o'r syniad ar gyfer prosiect a dylent 'edrych ymlaen' yn hytrach na chyfeirio at y gorffennol yn unig.

Dylai cyllidwyr wybod sut i ddweud 'Na' yn gynnar - gan nad yw pob syniad yn syniad da.
Gofynnir i gyllidwyr gofio y gall canlyniad cais fod yn bwysig iawn i'r ymgeisydd - er mai efallai dim ond un o blith llawer o geisiadau y mae'r corff sy'n talu yn eu hystyried fydd y cais.

Ceir cyngor i ymgeiswyr ar:

'A gaiff gwiriadau ansawdd eu cynnal ar gynigion?'

Ceir gwybodaeth arall am:

'A yw ein cynigion yn gydnaws â'r Strategaeth Gyllido a'r Strategaeth Gorfforaethol?'

Mae'r wefan yn ymdrin ag 'arfarnu' a 'chymeradwyo'.

Ceir cyngor i gyllidwyr ar:

'Sut y byddaf yn gwerthuso ceisiadau ac yn dewis enillwyr?'

'A fydd trefniadau sicrwydd ansawdd ar waith mewn perthynas â'm proses ddewis?'

'Sut y byddaf yn hysbysu'r 'collwyr' (yr ymgeiswyr na fuont yn llwyddiannus)?'

Pa grantiau sydd ar gael mewn perthynas â'r iaith Gymraeg?

 Cofiwch ystyried yr iaith Gymraeg fel rhan o'ch cais ar gyfer prosiect.

Sut i feithrin dealltwriaeth glir a chyffredin o reolau.

Sut y gallaf feithrin dealltwriaeth fy nghydweithwyr o bwysigrwydd cydymffurfio â'r llythyr cynnig a'r telerau ac amodau (a'r angen i ofyn ar gam cynnar am gymeradwyaeth ar gyfer unrhyw ddiwygiadau angenrheidiol neu ddymunol)?

Sut i sicrhau cytundeb ar draws pob maes ar unrhyw beth - yn arbennig ffurflenni cais, llythyrau cynnig a ffurflenni hawlio.

Datblygu prosiect - cofiwch roi systemau ar waith o'r cychwyn cyntaf; hyfforddiant i dîm y prosiect, gwaith monitro rheolaidd, a - lle y cytunwyd ar hyn gyda'r cyllidwr - gweithdrefnau i ailbroffilio gwariant a chynhyrchion.

Mae cyswllt personol yn werthfawr - sicrhewch fod cyfleoedd i bobl gydweithio.

Sicrhewch fod y staff yn teimlo perchenogaeth dros y prosiect a'u bod yn ymrwymedig iddo.
Meithrinwch gydberthynas dda â chydweithwyr a derbynwyr grant.

Mae'r wefan yn ymdrin â 'derbyn'

Ceir cyngor i dderbynwyr ar

'A oes gennym ddulliau cyfathrebu mewnol effeithiol?'

'Sut y byddaf yn monitro cydymffurfiaeth?'

'A wyf wedi cael cytundeb ysgrifenedig ar gyfer trosglwyddiadau  a newidiadau?'

Ceir cyngor i gyllidwyr ar:

'Sut y byddaf yn delio â throsglwyddiadau, newidiadau a llithriad?'

Ceir cyngor i dderbynwyr ar 'gronfa ddata grantiau' a

'Sut y byddaf yn monitro cydymffurfiaeth?'

Problemau o ran caffael a rheolau caffael.

Gweler y sylwadau ar gyfer trefniadau partneriaeth.

Ceir cyngor i gyllidwyr ar:

'A wyf wedi ymchwilio i gyfreithlondeb a rheoliadau?'

Ceir cyngor i dderbynwyr ar:

'Sut y byddaf yn sicrhau y caiff y gweithdrefnau prynu priodol eu dilyn?'

Sut y gallaf adennill gorbenion?

A oes angen gwahanol systemau ar gyfer gorbenion?

Pa gostau staff nad ydynt yn gymwys?

Angen methodolegau dosrannu derbyniol.

Angen dull derbyniol o ddyrannu cyflogau.

Ceir cyngor i dderbynwyr ar:

'A gaiff cynigion eu prisio'n gywir?'

What's the best way for monitoring?

Beth yw'r ffordd orau o fonitro?Mae angen i waith monitro fod yn briodol, gan ystyried maint, risg a chymhlethdod y grant a chost, budd ac ymarferoldeb y broses fonitro. Weithiau bydd proses syml heb gymhlethdod yn addas: gellir penderfynu hyn fesul achos unigol.

Nodwch y broses fonitro yn ystod y cam gwneud cais ac yn y telerau a'r amodau, fel y bydd pawb yn gwybod beth a ddisgwylir ganddynt. Mae hyn yn helpu rheolwr prosiect y derbynnydd i gasglu a chadw'r dystiolaeth briodol wrth i'r gweithgareddau fynd rhagddynt - gan osgoi problem fawr ar y diwedd (gweler y cwestiwn ar 'werthuso').

Dylai'r llythyr cynnig/telerau ac amodau (fel y cytunwyd arnynt ac a lofnodwyd gan y cyllidwr a'r derbynnydd) hefyd ddynodi'r canlyniadau y mae'n rhaid i'r prosiect eu cyflawni.

Dylid cyflwyno adroddiadau ar sefyllfa ariannol prosiectau a'u cynnydd tuag at dargedau mewn fformat penodedig safonol er mwyn helpu'r corff sy'n talu'r grant i'w hadolygu yn hawdd.

Dylai derbynwyr roi rhybudd cynnar i gyllidwyr cyn gynted ag y daw i'r amlwg efallai na chaiff amcanion eu cyflawni. Mae hyn yn osgoi sefyllfa lle mai dim ond ar ôl iddynt godi yr ymdrechir i ddatrys problemau. Drwy gydweithio, gall pob parti helpu ei gilydd a dod o hyd i atebion adeiladol er mwyn osgoi problemau'n ddiweddarach.

Ceir cyngor i gyllidwyr:

'A yw fy nhelerau ac amodau yn addas at y diben?'

'A yw fy ffurflen hawlio yn addas at y diben?'

'Sut y byddaf yn monitro cynnydd?'

'Sut y byddaf yn cynnal gwerthusiad interim?'

'Sut y byddaf yn delio â pherfformiad gwael?'

'Sut y byddaf yn delio â throsglwyddiadau, newidiadau a llithriad?'

Ceir cyngor i dderbynwyr:

'Sut y byddaf yn monitro fy mhrosiect?'

'Sut y byddaf yn monitro partneriaid?'

'Sut y byddaf yn cwblhau'r prosiect yn brydlon?'

Sut i gael y wybodaeth gywir 'yn brydlon'.

Mae gan Lywodraeth Cynulliad Cymru ffocws newydd ar ganlyniadau.

Derbyn gwybodaeth a thystiolaeth yn brydlon - rhowch ddigon o amser i staff gysylltu/ymweld â derbynwyr os bydd angen.

Fel cyllidwr, mae eich cydberthynas â'ch cwsmer yn bwysig - ond peidiwch â diflannu unwaith y bydd prosiectau yn weithredol.

Rhannwch wybodaeth gan fod cyfathrebu da yn hanfodol.

There's advice for recipients:

'How will I monitor my project?'

'How will I monitor partners?'

Mae'r wefan yn ymdrin ag 'ychwanegedd', 'dangosyddion perfformiad' a 'thargedau'.

Ceir cyngor i gyllidwyr:

'A wyf wedi pennu cerrig milltir, DPau a thargedau?'

'Sut y byddaf yn monitro cynnydd?'

Mae gwerthuso yn gofyn a yw prosiect wedi cyflawni ei dargedau, gydag arian yn cael ei wario ar y gweithgareddau a gymeradwywyd yn wreiddiol.

Dylech gynnwys pob parti ac - os bydd yr arian yn cael ei ddarparu eto - ddysgu unrhyw wersi ar gyfer y dyfodol.

Mae gan Sefydliad Lloyds TSB ganllaw syml ar werthuso, sy'n addas ar gyfer grwpiau bach sy'n cael eu grant cyntaf.

Ceir cyngor i gyllidwyr:

'Sut y byddaf yn cyflawni'r amcan polisi ac yn trefnu gwerthusiad?'

'A yw fy nhelerau ac amodau yn addas at y diben?'

'Sut y byddaf yn cynnal gwerthusiad interim?'

'Sut y byddaf yn cynnal gwerthusiad terfynol o'm cynllun - ac yn cynnwys rhanddeiliaid?'

Ceir cyngor i dderbynwyr:

'Sut y byddaf yn cynnal gwerthusiad o'r prosiect?'

A ganiateir copïau electronig o ddogfennau?

Beth yw'r gweithdrefnau priodol o ran cadw dogfennau ac archifo - yn arbennig ar gyfer prosiectau partneriaeth cydweithredol?

Sut i sicrhau bod derbynwyr yn cadw cofnodion am y cyfnod gofynnol.

Yn aml, mae derbynwyr yn ansicr ynghylch gofynion cadw dogfennau, gan fod y gofynion hyn yn amrywio'n sylweddol rhwng rhaglenni grant a chyllidwyr. Dylech bob amser gyfeirio at y canllawiau a'r gofynion a bennwyd gan y cyllidwr perthnasol - a sicrhau bod partneriaid (ac unrhyw fusnesau bach) yn ymwybodol ohonynt ac yn cydymffurfio â hwy.

Mae Swyddfa Cyllid Ewropeaidd Cymru yn gweithio tuag at Safon Brydeinig, sy'n sicrhau nad yw'n bosibl ymyrryd â chofnodion ac na ellir eu dyblygu.

Gall gwahanol derfynau amser fod yn gymwys. Fel enghreifftiau, mae'r rhan fwyaf o grantiau Llywodraeth Cynulliad Cymru a'r Gronfa Loteri Fawr yn pennu gofyniad o 7 mlynedd, ond bydd cyfnod o 10 mlynedd yn berthnasol lle bydd y grant yn cynnwys 'cymorth gwladwriaethol' i fusnesau. Ac mae'n rhaid cadw cofnodion ar gyfer rhai prosiectau a gaiff gyllid Ewropeaidd tan 2024.

Dylai ymgeiswyr gofio costau storio wrth brisio eu ceisiadau.

Sicrhewch y gall eich system archifo eich helpu gyda cheisiadau 'Rhyddid Gwybodaeth', gan ei bod yn hanfodol gallu nodi manylion allweddol - megis enwau - yn hawdd.

Efallai y bydd angen i gofnodion gynnwys gwybodaeth am fuddiolwyr (ee at ddibenion gwerthuso ac ar gyfer cronfeydd Ewropeaidd).

Ceir cyngor i gyllidwyr ar:

'Sut y byddaf yn cyflawni'r amcan polisi ac yn trefnu gwerthusiad?'

'A yw fy nhelerau ac amodau yn addas at y diben?'

'A yw canllawiau fy nghynllun yn addas at y diben?'

Ceir cyngor i dderbynwyr ar:

'Sut y bydd fy nghofnodion a'm systemau cyfrifyddu yn dangos hawl?'

'Sut y bydd asedau a chofnodion yn cael eu cadw'n ddiogel?'

'A yw fy mhapurau gwaith yn dderbyniol i archwilwyr?'

Sut i osgoi oedi wrth dalu?

Ceir cyngor i dderbynwyr ar:

'Sut y byddaf yn pennu amserlenni ar gyfer cydgysylltu hawliadau ac adroddiadau?'

'Sut y caiff yr hawliad terfynol ei gyflwyno a'i archwilio?'

Rheolau mewnol, rheoliadau a gweithdrefnau pwy y dylid eu dilyn?

Pa systemau a gweithdrefnau y dylid eu rhoi ar waith ar gyfer prosiectau cydweithredu rhanbarthol (Memorandwm Cyd-ddealltwriaeth, Cytundeb Lefel Gwasanaeth, Cymeradwyaethau, caffael)?

Dull gweithredu/profiad ym maes cydweithredu (gan gynnwys yr archwiliad terfynol).

Sut i fonitro partneriaid a sicrhau eu bod yn atebol.

Gall cydweithredu â chyrff eraill fod yn ddefnyddiol - yn arbennig ar gyfer prosiectau mwy ac er mwyn i grwpiau llai o faint/llai profiadol gael profiad o wneud cais am grantiau a'u rheoli.

Mae'n bwysig rhoi trefniadau llywodraethu ar waith o'r cychwyn cyntaf a sicrhau bod pob partner yn gyfforddus â'r dull gweithredu y cytunwyd arno. Mae hyn yn helpu i fynd i'r afael â phroblemau cyffredin wrth weithio mewn partneriaeth, megis ymdrin â ffyrdd o feddwl, dyheadau, rheolau a rheoliadau gwahanol.

Mae gan awdurdodau lleol bryderon o ran y risgiau ychwanegol a wynebir ganddynt - yn arbennig y risgiau ariannol. Mae angen i gyrff sy'n talu gydnabod hyn.

Mae llawer o brofiad o ran rheoli prosiectau Cydgyfeirio partneriaeth yn ariannol.

Ceir cyngor i gyllidwyr:

'A yw fy nhelerau ac amodau yn addas at y diben?'

'A yw Canllawiau'r Cynllun yn addas at y diben?'

'Sut y byddaf yn monitro cynnydd?'

'Sut y byddaf yn delio â pherfformiad gwael?'

Ceir cyngor i dderbynwyr ar:

'A ydym wedi sefydlu trefniadau gweithio effeithiol â phartneriaid?'

'A ydym wedi pennu rheolaethau a phrotocolau cydgysylltu?'

'Sut y byddaf yn monitro partneriaid?'

Canfyddiad amrywiol 'archwilwyr'.

• Mae derbynwyr yn cwyno am:
• 'dwyn ceiniogau' a 'dim goddefgarwch',
• gwahanol ddulliau gweithredu neu'r problemau sy'n gysylltiedig â'r agwedd bod un ateb yn addas i bawb.

Pa ddulliau gweithredu sy'n arwain at y gwerth gorau am arian neu'r canlyniad cyffredinol gorau?

Gall archwilwyr mewnol ac allanol fod yn ffynhonnell ddefnyddiol o ran cyngor: dylech eu hystyried fel adnodd i chi yn hytrach na'ch 'gelyn'. Gall cyngor cynnar gan archwilwyr mewnol helpu rheolwyr prosiect i roi eu systemau rheoli prosiect a chyfrifyddu ar waith (ee defnyddio cyllideb a chodau cost ar wahân). Fodd bynnag, bydd archwilwyr bob amser yn awyddus i gadw lefel briodol o annibyniaeth.

Gellir darparu gweithdrefnau archwilio mewnol ar gyfer grantiau.

Gall cyrff sector cyhoeddus ofyn i staff Swyddfa Archwilio Cymru am gopïau o 'gyfarwyddiadau ardystio' yr Archwilydd Cyffredinol.

Lle bydd archwilwyr (o unrhyw fath) yn ysgrifennu adroddiadau, dylid darparu'r adroddiadau hyn (ar ôl iddynt gael eu cymeradwyo'n briodol) yn brydlon ac heb unrhyw oedi diangen.

Mae'r wefan yn ymdrin â 'sicrwydd', 'ardystio',  'cyfarwyddiadau ardystio', 'gweithdrefnau diffiniedig' a 'llythyrau ymgysylltu'.

Rhoddir gwybodaeth hefyd am gylch oes grantiau o safbwynt yr archwilydd.

Ceir cyngor i gyllidwyr ar:

'A wyf wedi cysylltu ag archwilwyr/Swyddfa Archwilio Cymru?'

Ceir cyngor i dderbynwyr ar:

'A oes gennym Brotocol Grantiau/gwaith cydgysylltu ag archwilwyr?'

'A wyf yn defnyddio archwiliadau mewnol yn effeithiol?'

'A yw fy mhapurau gwaith yn dderbyniol i archwilwyr?'

Ceir cyngor i gyllidwyr ar:

'Sut y gallaf weithredu ar farn amodol archwilwyr?'

'Sut y gallaf adennill gordaliadau?'

'Pryd y dylid atal, terfynu neu adennill grant?'

Ceir cyngor i dderbynwyr ar:

'A wyf yn cymryd camau effeithiol i ateb pryderon gan y corff sy'n talu'r grant/gweithredu ar farn amodol interim archwilwyr?'