Rhestr Astudiaethau achos

Cymdeithas Tai y Rhondda

01/10/2008

Drwy'r dull gweithredu hwn, cafwyd adolygiad cyson o berfformiad drwy'r Gymdeithas i gyd a hefyd mabwysiadwyd mesurau manwl ar gyfer meysydd gwasanaeth a ystyriwyd yn rhai yr oedd angen gwelliant penodol arnynt, megis gwasanaethu nwy neu ôl-ddyledion rhent, gyda thystiolaeth o ganlyniadau gwell o ganlyniad i hyn. Drwy fabwysiadu ystod gytbwys o fesurau, roedd yn haws cymryd penderfyniadau hyddysg yn seiliedig ar y wybodaeth a gyflwynwyd. Roedd pedwar safbwynt cerdyn sgorio'r Gymdeithas fel a ganlyn:

• safbwynt y cwsmer, a oedd yn gosod y cyd-destun ar gyfer ymgysylltu â thenantiaid ac yn mesur boddhad defnyddwyr â'r gwasanaethau a ddarparwyd, yn ogystal â'r rôl a fabwysiadwyd gan Fforwm y Tenantiaid;
• y safbwynt ariannol, a fesurodd perfformiad yn erbyn gofynion y Cynllun Busnes;
• y safbwynt busnes mewnol, a sicrhaodd drefniadau llywodraethu priodol, ac alinio adroddiadau rheoli perfformiad â gweithgarwch;
• y safbwynt dysgu a thwf, a fesurodd arferion cyflogi a staffio, a datblygu trefniadau cydraddoldeb ac amrywiaeth.