Cyngor Swydd Derby
01/10/2008
Yn 2000, chwaraeodd y cyngor ran hanfodol yn y gwaith o sefydlu Fforwm Partneriaeth Swydd Derby sy'n cynnwys 54 o aelod-sefydliadau sy'n cyfrannu at y broses o gyflawni'r Strategaeth Gymunedol.
Roedd Cyngor Sir Swydd Derby ac amrywiaeth o sefydliadau lleol yn y sector cyhoeddus yn ymwybodol o nifer o bapurau a gyhoeddwyd dros y degawd diwethaf ac yn fwy penodol Papur Gwyn y Llywodraeth ar Gymunedau Cryf a Ffyniannus a nododd "Managing assets effectively is vital to achieving cost savings for local authorities and helping them to deliver better outcomes for citizens: disposing of, or improving, underperforming assets, and modernising assets...".
Cafodd y fforwm ei gynllunio i feithrin dealltwriaeth, gwella systemau cyfathrebu a gwella'r broses o gydgysylltu gweithgareddau rhwng partneriaid mewn dau faes:
- ailgynllunio gwasanaethau ar y cyd;
- rhesymoli'r portffolio eiddo.
Un o brif amcanion y fforwm oedd datblygu canolfan gwasanaethau a rennir yn Ne Normanton.
Cyflawnir hyn drwy:
Gymryd camau corfforaethol - sy'n cynnwys:
- asesu perfformiad portffolios sy'n bodoli eisoes;
- nodi anghenion o ran eiddo;
- ystyried ffyrdd gwahanol o gyflawni'r prosiect;
- arfarnu adeiladau addas i ddiwallu anghenion;
- paratoi achos busnes.
Cydweithredu - sy'n cynnwys:
- dwyn pob parti ynghyd;
- siarad;
- creu sianelau cyfathrebu da;
- parodrwydd i wella o'r brig i'r bôn;
- deall anghenion a gofynion eraill;
- nodi ffyrdd gwahanol o ddarparu gwasanaethau.
Her - sy'n cynnwys:
- deall a nodi'r rhwystrau posibl a goresgyn yr anawsterau er mwyn cyflawni amcan.
Roedd y broses yn cynnwys:
- nodi safle tir llwyd, a oedd yn eiddo i ddatblygwr a oedd am gyflawni'r prosiect drwy gontract dylunio ac adeiladu;
- llunio cynllun;
- cael caniatâd cynllunio;
- llofnodi'r contractau.
Roedd sylfaen y cytundeb eiddo yn cynnwys:
- Cyngor Sir Swydd Derby yn cytuno ar brif les 25 mlynedd ar gyfer yr adeilad cyfan gyda'r datblygwr;
- is-les 25 mlynedd yn cael ei roi i'r chwe sefydliad partner arall.
Ymhlith canlyniadau'r prosiect hwn mae:
Darparu adeilad â 3,500 metr sgwâr o arwynebedd llawr ar gyfer:
- canolfan i blant;
- meddygfa;
- swyddfa'r heddlu;
- canolfan gyswllt cyngor dosbarth;
- swyddfa cyngor plwyf;
- caffi;
- canolfan ddydd i oedolion o dan 65 oed;
- llyfrgell;
- canolfan addysg i oedolion;
- campfa;
- ystafell gynadledda ac ystafelloedd cyfarfod;
- swyddfeydd ac ystafelloedd triniaeth ar gyfer ymddiriedolaeth gofal sylfaenol;
- 24 o unedau tai cymdeithasol a gaiff eu rhedeg gan landlord cymdeithasol cofrestredig.
Ymhlith manteision hyn oll i'r cyngor mae:
- gwell dealltwriaeth o anghenion a gofynion pob corff lleol sy'n darparu gwasanaethau cyhoeddus;
- y gallu i nodi cyfleoedd i resymoli tir ac adeiladau;
- y gallu i nodi cyfleoedd i rannu eiddo;
- y gallu i ystyried ffyrdd amgen o ddarparu gwasanaethau;
- helpu i gydweithredu ar brosiectau eraill.
Ymhlith yr anawsterau posibl i'w goresgyn mae:
- diffyg gwybodaeth a dealltwriaeth;
- darbwylliadau gwleidyddol gwahanol;
- blaenoriaethau gwahanol;
- diffyg ymrwymiad;
- diffyg adnoddau - Staff, TGCh ac ati;
- cyllid;
- demograffeg /daearyddiaeth;
- yr economi fyd-eang.