"Paratowch ar gyfer ymgysylltu â'r cyhoedd - os ydych o'r farn bod consensws yn cymryd amser ac yn anodd, rhowch gynnig ar wrthdaro! Rhaid i chi feithrin gallu'r staff i ymgysylltu â rhanddeiliaid a dod â'ch rhanddeiliaid ar y daith gyda chi."
Cyn rhoi atebion ar waith, sicrhewch eich bod wedi esbonio i'r cyhoedd ac i'ch staff pam rydych chi wedi gwneud y penderfyniadau hyn. Nid oes angen codi bwganod, felly byddwch yn glir ac yn realistig. Paratowch y sefydliad a'ch partneriaid ar gyfer newid, ond byddwch yn eglur ynghylch pa newidiadau sy'n dod. Yn y pen draw, gall y bobl yr ydych heb ymgysylltu â nhw fynd yn atalwyr, a gall y rhai yr ydych wedi ymgysylltu â nhw ddod yn eiriolwyr neu hyd yn oed yn gyfranwyr. Mae treulio amser yn cael cymaint o gefnogaeth â phosibl o werth os ydych yn hwylio yn erbyn y llif.
"Dylech hyrwyddo canlyniadau ymgynghori ac esbonio beth sydd wedi digwydd o ganlyniad. Peidiwch â chilio rhag siarad am benderfyniadau amhoblogaidd neu ddadleuol." Asiantaeth Gwella a Datblygu (IDEA) Llywodraeth Leol.
