Mae Comisiwn Coedwigaeth Cymru (FCW) wedi cyrraedd ei dargedau ariannol a’r mwyafrif o’i dargedau perfformiad. Ond mae’n rhaid iddo, fodd bynnag, fod yn glir am ei flaenoriaethau ac ystyried ei ymagwedd at y ffordd y mae'n rhedeg ei fusnes - yn enwedig o ran datblygu cynlluniau ariannol hirdymor ac ymagwedd fwy cydlynedig at gaffael. Darganfu adroddiad, a gyhoeddwyd heddiw gan Archwilydd Cyffredinol Cymru, fod y Comisiwn ar y cyfan yn cyflawni agenda coedwigaeth sy’n ehangu, ac yn gweithio’n effeithiol gyda phartneriaid i gyflawni blaenoriaethau Llywodraeth y Cynulliad i goedwigaeth. Ond, mae angen iddo fynd i’r afael â nifer arwyddocaol o heriau gan gynnwys yr angen i ddatblygu cyfeiriad corfforaethol fwy clir.
