Newyddion

Mae cyfraddau ailgylchu yng Nghymru yn cynyddu, gyda mwy a mwy o aelodau'r cyhoedd yn cymryd rhan. Fodd bynnag, mae gwelliannau tymor hwy yn cael eu llesteirio gan rwystrau sylweddol i gyflawni strategaeth wastraff Llywodraeth Cymru a gwendidau yn y ffordd y caiff perfformiad ei fesur. Dyna gasgliad adroddiad a gyhoeddir heddiw gan Archwilydd Cyffredinol Cymru.

Mae'r adroddiad yn cydnabod ymdrechion Llywodraeth Cymru i sicrhau bod ailgylchu yn flaenoriaeth, gyda'i gweledigaeth uchelgeisiol ar gyfer cynaliadwyedd, ei thargedau ailgylchu manwl ar gyfer awdurdodau lleol a'r £360 miliwn mewn grantiau gwastraff a roddwyd i gynghorau ers 2000.

Gyda'r gyfradd ailgylchu gyffredinol yng Nghymru yn 43.6 y cant, mae awdurdodau lleol wedi gwneud cynnydd cyson o ran cyflawni targedau gwastraff. Maent bellach yn darparu amrywiaeth o gyfleusterau a gwasanaethau sy'n rhoi'r cyfle i drigolion ailddefnyddio, ailgylchu a chompostio mwy o wastraff. Mae ailgylchu'n dod yn beth fwyfwy cyffredin ym mywydau beunyddiol llawer o ddinasyddion.

Datganiad i'r wasg llawn ynglyn â Chyfranogiad y Cyhoedd o ran Ailgylchu Gwastraff

Fideo o'r Cyfarwyddwr Grwp Alan Morris yn trafod safbwynt Swyddfa Archwilio Cymru ar Gyfranogiad y Cyhoedd o ran Ailgylchu Gwastraff