Mae coedwigoedd sy'n eiddo cyhoeddus yn ymestyn dros 14 y cant o'r wlad ac mae pobl yn dod yn fwy ymwybodol o bwysigrwydd fforestydd i'r frwydr yn erbyn newid yn yr hinsawdd. Mae Comisiwn Coedwigaeth Cymru am chwarae ei ran ac mae'n gweithio gyda Llywodraeth cynulliad Cymru, yn dilyn strategaeth o’r enw Coetiroedd i Gymru.  Mae hefyd yn gweithio gyda llawer o asiantaethau cyhoeddus, â busnes ac â phobl sy’n byw’n agos i goetiroedd ac sy’n eu mwynhau. Ond, weithiau mae’n anodd i’r comisiwn i gyflawni eu holl ddymuniadau.

Unwaith y gorffennir yr adolygiad, bydd Archwilydd Cyffredinol Cymru’n cyflwyno adroddiad gerbron Cynulliad Cenedlaethol Cymru, sy’n debygol o gael ei ystyried gan Bwyllgor Archwilio’r Cynulliad.